జగిత్యాల తాజా కబురు:రాయికల్ పట్టణంలోని శివాజీనగర్ కాలనీలో శనివారం అంగన్వాడి కేంద్రాలు 1,7,3 లలో నిర్వహించిన పోషణ పక్షం కార్యక్రమానికి కౌన్సిలర్ తురగ శ్రీధర్ రెడ్డి హాజరయ్యారు.ఈ సందర్భంగా ఆయన మాట్లాడుతూ కిచెన్ గార్డెన్లలో ఇంటి ఆవరణలో పండించిన ఆకుకూరలు, కూరగాయలు వాడాలని అవి ఆరోగ్యానికి ఎంతో మేలు చేస్తాయని, పంట పొలాల్లో క్రిమిసంహారక మందులు వాడకుండా సేంద్రియ ఎరువులు మాత్రమే వాడుతూ ఆరోగ్యాన్ని కాపాడుకోవాలని ఆయన సూచించారు.ఈ కార్యక్రమంలో కౌన్సిలర్ కె. మహేందర్ అంగన్వాడీ టీచర్లు సుమలత, పుష్పలత,సిందూరీ గర్భిణీ మహిళలు, చిన్నారులు పాల్గొన్నారు.
