రాయికల్ తాజా కబురు:మండలంలోని భూపతిపూర్ గ్రామంలోని సర్వే నంబర్ 58కి చెందిన ప్రభుత్వ భూమిని ఒడ్డెలింగాపూర్ గ్రామానికి చెందిన కొందరు వ్యక్తులు ఆక్రమించుకుంటున్నారని సంబంధిత భూమిని సర్వే చేసి హద్దులు నిర్ణయించాలని గతంలో స్థానిక తహసీల్దార్ కు పలు మార్లు పిర్యాదు చేసినప్పటికీ స్పందించకపోవడంతో శనివారం భూపతిపూర్ ఎక్స్ రోడ్డు వద్ద గ్రామస్తులు ధర్నాకు దిగారు.సుమారు 3 గంటల పాటు గ్రామస్తులు రోడ్డుపై బైఠాయించడంతో సంఘటన స్థలానికి చేరుకున్న తహసీల్దార్ మహేశ్వర్ సోమవారం ఇరు గ్రామాల మధ్య సర్వే నిర్వహించి హద్దులు నిర్ణయిస్తామని హామీ ఇవ్వడంతో ధర్నా విరమించారు.
