తాజా కబురు జగిత్యాల కలెక్టరేట్: రాయికల్ మున్సిపల్ కమిషనర్ గా విధులు నిర్వహిస్తున్న ఇ.రమేష్ ను తొలగిస్తున్నట్లు సోమవారం నాడు జిల్లా కలెక్టర్ జి. రవి ఒక ప్రకటనలో తెలిపారు. ఈ సందర్భంగా ఆయన మాట్లాడుతూ రాయికల్ ఎంపీడీవో గా పనిచేస్తున్న ఇనుముల రమేష్ రాయికల్ మున్సిపాలిటీ ఇన్ఛార్జి కమిషనర్ గా విధులు నిర్వహించే వారని, మున్సిపల్ కమిషనర్ విధులలో అలసత్వం, నిర్లక్ష్యంగా విధులు నిర్వహిస్తున్న కారణంగా ప్రస్తుతం ఉన్న మున్సిపల్ కమిషనర్ ఇన్చార్జిని తొలగిస్తూ జగిత్యాల జిల్లా మున్సిపల్ కార్యాలయంలో మెప్మా పరిపాలన అధికారి గా పని చేస్తున్నా డి. శ్రీనివాస్ గౌడ్ కు రాయికల్ మున్సిపల్ కమిషనర్ గా నియమించినట్లు జిల్లా కలెక్టర్ నేడు ఒక ప్రకటనలో తెలిపారు. తదుపరి ఆదేశాలు వచ్చు వరకు రాయికల్ మున్సిపల్ కమిషనర్ గా డి. శ్రీనివాస్ గౌడ్ కొనసాగుతారని తెలిపారు.
