బాలల పరిరక్షణపై అవగాహన సదస్సు

0
89

రాయికల్ తాజా కబురు:రాయికల్ పట్టణంలోని వాసవి కళ్యాణ మండపంలో  సోమవారం బాలల సంరక్షణ కోసం జగిత్యాల సి ఐ రాజేష్ ఆధ్వర్యంలో కమిటీలను ఏర్పాటు చేసారు.ఈ సందర్బంగా ఆయన మాట్లాడుతూ బాలలు ఎదుర్కొంటున్న ముఖ్య సమస్యలు, బాలల ముఖ్య చట్టాలు, బాలల వేధింపులు, హింస, ఆకృత్యాల నుంచి తమను తాము రక్షించుకోలేరు. పైగా తాము ఇలా వేధింపులకు గురి అవుతున్నాము అన్న విషయాన్ని గుర్తించే ఆలోచన స్థాయి కూడా వారికి ఉండకపోవచ్చని, స్థానికంగా ఉన్న పరిస్థితుల గురించి మనకు ఎదురయ్యే ప్రమాదాల గురించి అక్కడ జీవించే పెద్దలకు ఎక్కువ అవగాహన ఉంటుంది కాబట్టి పిల్లలపై వేధింపులు జరిగిన, అత్యాచారాలు చోటు చేసుకున్న పోలీసులు కన్నా ముందుగా తెలుసుకోగలిగేది స్థానికులని, వేధింపులు జరిగే ప్రాంతాలను వేధింపులకు పాల్పడగలిగే వ్యక్తులను ముందే గుర్తించి వారి నుంచి పిల్లలను రక్షించ గలిగేది కూడా స్థానికులు అని, పిల్లలను రక్షించే విషయంలో వ్యక్తులుగా వారు కొన్ని పరిమితులకు లోబడి ఉంటారని, సంఘటితంగా వార్డ్ మొత్తానికి ఒక కమిటీ ఏర్పాటు చేసుకుంటే అందరూ సమిష్టి కృషి చేసి ప్రతి వార్డ్ లోనూ బాలల పరిరక్షణ కమిటీ ఏర్పాటు చేయడం జరుగుతుంది అని అన్నారు. ఈ కార్యక్రమంలో MRO మహేశ్వర్ ,SI ఆరోగ్యం, మున్సిపల్ చైర్మన్ మోర హన్మండ్లు, వైస్ చైర్మన్ రమాదేవి, కౌన్సిలర్లు కాంతారావు, మహేందర్, సాయి కుమార్, శ్రీధర్,మహేష్ ,అన్వరీ బేగం ,మరియు అంగన్వాడీ ANM లు పాల్గొన్నారు.

LEAVE A REPLY

Please enter your comment!
Please enter your name here